Asmakilo pertsonaiak, igarkizunak proposatzen ditu hasiera batean eta partaideak asmatzen saiatuko dira.
Gero, ikasleek eurek sortutako IGARKIZUNAK BLOGean argitaratzen joango dira, beste ikastetxetako ikasleak asmatzen joango direlarik.

Nori zuzenduta?

Lehen Hezkuntzako 1. eta 2. mailako ikasleei zuzenduriko proiektua da. 

Zergatik IGARKIZUNAK ?

Igarkizunak  betidanik  ekin diolako sormenari eta alderdi ludikoari: alderaketak, deskripzioak, kontaketak, antzekotasunak, zentzu bikoitza …. eta horiek asmatzeak zera eskatzen du: ideiak lotzea, metaforak aztertzea eta antzekotasunak bilatzea. Beraz, ikasleekin igarkizunak jorratzeak pentsamendu sortzailea lantzea ahalbidetzen du.

Igarkizunek ikasleen arteko jolas dialogikoa zabaltzen duelako: igarkizuna planteatzen duenak badaki erantzuna, eta jasotzaileari irudimena eta interpretazio ariketa eskatzen dio, euren artean jolas kognitiboa  zabalduz.

Argudio gehiago ARTIKULU honetan.

HELBURUAK:

. Hizkuntza komunikaziorako gaitasuna garatzea, sormena eta alderdi ludikoa sustatuz.
. Igarkizun testua lantzea eta produkzioak elkarbanatzea.       
. Herrrietako aho korapiloak, jolasak, kantak eta bitxikeriak partekatzea.
· IKTak modu hezigarrian erabiltzea, gaitasun digitala garatze aldera.
· Ikastetxe ezberdinetako ikasleen arteko harremanak zabaltzea eta lankidetza jarrerak bultzatzea.

                                   IKUSI BLOGa http://asmakilo.blogspot.com